首页
2008-11-30
睇全文

失去咕咕嘅第一百五十四日……

今日係11月29号…… 今日都係趁翻工之前去咗市场 但……都係冇咕咕嘅踪影…… 唔经唔觉……今日已经係咕咕唔见咗第五个月嘅最后一日 其实喺半个月之前我已经开始考虑係唔係咁继续落去 但直到今日放工翻到屋企我先决定…… 从听日开始，我唔再上来写blog喇…… 所以今日係上来写blog嘅最后一日 虽然唔再上来写blog，但唔代表我唔继续去揾 只不过觉得再上来写blog已经冇乜意义…… 可能真係噤啱，今日我已经揾唔到可以贴上来嘅咕相…… 而且噤啱今日係第154日……摞个意头…… 希望咕咕可以一世好运，唔会死…… 所以我先做出呢个决定…… 从2008年嘅6月29号到11月29号…… 五个月……154日……3696个小时……221760分钟…… 唉……谂翻转头真係百感交集…… 但始终都係揾唔翻咕咕……真係一个遗憾…… 呢五个月嚟每一日都无时无刻咁谂住可以揾翻咕咕

by 贫憎 02:05 | 情感天地 | Tag: 狗 心情 | 睇过5 | 评论

2008-11-28
睇全文

失去咕咕嘅第一百五十三日……

今日去帮公司同事整翻台电脑 本嚟谂住用2个钟左右就可以搞好 搞完就可以去市场喥揾咕咕 点知一搞就搞到晚上9点几 又冇咗一个去市场嘅机会喇…… 喺佢喥整机嘅时候同佢老公倾起咕咕嘅事 佢话佢有两个朋友都试过唔见咗狗，最后都揾翻 但揾翻嘅地点却係一个喺天光墟，有人卖紧佢只狗 另一个就係喺芳村宠物市场，亦都係俾人摞咗去卖…… 其实咕咕嘅遭遇好有可能都会係咁 只不过一直以来我都唔想向衰果方面谂…… 可能係心理作用啦……迎住如果我係咁谂嘅话 咕咕嘅遭遇就真係会好似我所谂嘅咁…… 所以就算係自欺欺人都好，我都唔想咕咕遇到啲乜嘢不测…… 依家就净係望咕咕吉狗自有天相，就算翻唔到嚟我身边都好 起码依家过嘅生活要比喺我身边要过得好啦……

by 贫憎 23:37 | 情感天地 | Tag: 狗 心情 | 睇过4 | 评论

2008-11-27
睇全文

失去咕咕嘅第一百五十二日……

今日趁翻工之前有少少时间 所以去咗市场企咗一阵 不过结果都係一样…… 见唔到有咕咕嘅踪影……

by 贫憎 23:21 | 情感天地 | Tag: 狗 心情 | 睇过1 | 评论

2008-11-27
睇全文

失去咕咕嘅第一百五十一日……

今日唔使翻工，但我冇去到市场揾咕咕 因为今日要去同女朋友嘅屋企人食饭 去到女朋友屋企，见到佢屋企只狗，令我谂翻咕咕 因为呢只狗係两年前同咕咕去佢屋企嘅时候执嘅流浪狗 呢只狗亦都係一只吉娃娃，而且同咕咕好似，就差身形大只啲同佢係男仔 果阵呢只狗好怕人，可能係因为我哋带住咕咕，所以佢先会黐埋嚟 当时佢成身生嗮牛蜱同虱，而且又成日俾啲走鬼嚇 见佢噤可怜，所以就执咗佢翻去俾女朋友屋企人养喇 今日见翻佢，佢瘦咗，健实咗，而且表情同咕咕好似好似，所以令我又记翻呢段往事 但似还似……毕竟佢唔係咕咕…… 唉……咕啊……你究竟喺边喥啊……

by 贫憎 00:05 | 情感天地 | Tag: 狗 心情 | 睇过3 | 评论

2008-11-25
睇全文

失去咕咕嘅第一百五十日……

因为要值班，所以今日去唔到市场 又过一日……依家上来呢喥写blog俾我有啲数日子嘅感觉 因为每日都係过住几乎一样嘅日子……依然都係冇咕咕嘅消息 今日上bbs喥顶帖，私宠之家嘅bbs喥有位朋友叫我收养一只 如果冇人要就会被安乐死嘅狗 但係讲真……我真係冇办法再收养佢 因为我依家除咗翻工仲要揾咕咕，而且屋企仲有两猫一狗 所以虽然真係好想帮忙，但真係冇时间亦都冇空间可以再养多只狗…… 下面係网址，有兴趣嘅朋友可以去睇下，希望果只狗仔有好心人领养啦…… http://www.privatebbs.com/bbs/Announce/Announce.asp?BoardID=550&ID=197472

by 贫憎 22:44 | 情感天地 | Tag: 狗 心情 | 睇过3 | 评论

2008-11-24
睇全文

失去咕咕嘅第一百四十九日……

今日又过去喇……星期一去唔到市场就梗嘎喇…… 每逢星期一时间都过得特别快 因为星期一我都会忙到唔记得咗时间…… 依家谂翻转头，每当冇多余嘅时间去谂咕咕嘅时候 反而有一种轻松嘅感觉…… 虽然咁样讲有啲对唔住咕咕……但呢个係事实…… 每次谂起咕咕就会从开心嘅往事回想到咕咕走失嘅时候 心情亦都从开心变成唔开心…… 呢种可能就係我女朋友所讲嘅“负担”啩…… 或者我个人心智都仲係未够成熟啦 仲未知道点样去应付呢种“负担”…… 又或者係我嘅潜意识根本就唔想失去呢种“负担&r

by 贫憎 22:35 | 情感天地 | Tag: 狗 心情 | 睇过2 | 评论

2008-11-23
睇全文

失去咕咕嘅第一百四十八日……

又平平淡淡咁过咗一日喇…… 今日去市场企咗半个钟，都係食白果，唉…… 听日又开始忙碌嘅生活喇…… 又要等几日先有时间去揾喇…… 虽然冇咗咕咕已经有一段日子，但都仲係未习惯依家嘅日子 可能咕咕嘅存对于我哋嚟讲在真係无可替代啦……

by 贫憎 22:33 | 情感天地 | Tag: 狗 心情 | 睇过4 | 评论

2008-11-23
睇全文

失去咕咕嘅第一百四十七日……

本嚟今日係想去市场嘅 点知公司临时又要我去中六电脑城摞翻台手提电脑 哈……又去唔到市场喇……真係无奈……

by 贫憎 00:08 | 情感天地 | Tag: 狗 心情 | 睇过2 | 评论

2008-11-21
睇全文

失去咕咕嘅第一百四十六日……

今日要摞电话值班，但好意外今日好少嘢做 所以今日我去咗市场喥等咗一阵 今日市场好少人，自然狗亦都唔多见 所以今日都係冇收获…… 放喺电脑里面咕咕嘅相基本已经贴嗮 可以贴嘅就剩翻手机里面剩低嘅少少 如果贴埋嘅话我都唔知可以点喇……

by 贫憎 23:09 | 情感天地 | Tag: 狗 心情 | 睇过1 | 评论

2008-11-20
睇全文

失去咕咕嘅第一百四十五日……

今日要翻工，所以无去市场…… 听日要值班，希望冇客嚟电话要做嘢啦…… 咁我先可以有时间去市场撞下咕咕 眨下眼……好快第五个月又就快过去喇…… 唉……咕啊……你报个梦俾我，话我知你依家点啦……

by 贫憎 22:49 | 情感天地 | Tag: 狗 心情 | 睇过5 | 评论

上一页  1  2  3  4  5  6  7  8  9  10  下一页